ကက္ကတစ်ဆားငန်သီးပေါင်း

IMG_2431

ဒီတခါတော့ ကက္ကတစ်ကို plum sauce, ဆားငန်သီး များနဲ့ ပေါင်းထားပါတယ်။ အပြောင်းအလဲ ချိုချဉ် sauce လေးနဲ့မို့ အားလုံးလဲနှစ်သက်မယ်လို့ ယုံကြည်ပါတယ်နော်။

လိုအပ်တဲ့ပစ္စည်းများကတော့

  • ကက္ကတစ် ၁ကောင်(အကြေးထိုး ၃ချက်ခန့်မွှန်းထားပါ)
  • ဟီတာရှီမှို ၃ပွင့်(ရေစိမ်ပါးပါးလှီးထားပါ)
  • ကြက်သွန်ဖြူ ၅မွှာ(ပါးပါးလှီး)
  • ငရုတ်သီးခြောက် ၁တောင့်
  • ဆားငန်သီး ၃လုံး
  • plum sauce စားပွဲတင်ဇွန်း ၅ဇွန်း
  • ခရုဆီစားပွဲတင်ဇွန်း ၂ဇွန်း
  • ဆား စားပွဲတင်ဇွန်းတ၀က်

IMG_2426

ငါးကိုအပူခံပန်းကန်ပြားပေါ်တွင်တင်ပြီး လှီးထားသောဟီတာရှီမမှို ကြက်သွန်ဖြူ ငရုတ်သီးခြောက်များတင်ပါ။ plum sauce ဆားငန်သီး ခရုဆီ ဆားကိုရောမွှေပြီး ငါးပေါ်မှဆမ်းကာ ပေါင်းအိုးထဲတွင် မီးရှိန်ပြင်းပြင်းဖြင့် မိနစ် ၂၀ခန့်ပေါင်းပါ။

IMG_2431ချိုချဉ်sauce အရသာလေးနဲ့ ကက္ကတစ်ဆားငန်သီးပေါင်းလေးရပါပြီရှင်။ အားလုံးပဲနှစ်သက်မယ်လို့ ယုံကြည်ပါတယ်။

စိတ်၏ချမ်းသာခြင်း ကိုယ်၏ကျန်းမာခြင်းများနှင့် ပြည့်စုံနိုင်ကြပါစေရှင်။

 

 

Advertisements

ပိန်းဥကြော်

IMG_2353

မချောစုရဲ့ blog အတွက် wordpress account တခုလုပ်ရင်း စမ်းသုံးကြည့်ချင်လို့ ပို့စ်တစ်ခုရေးကြည့်လိုက်တာပါ။ ပိန်းဥကြော်လေးပါ။ ဒါလေးက ခမ်းနဲ့ မေမြို့မှာစားခဲ့ရတဲ့ ဆိုင်က ကြော်ထားတာမျိုးပါ။ အိမ်ပြန်ရောက်တော့ သမီးကစားချင်တယ်ဆိုတာနဲ့ စမ်းပြီးကြော်ကြည့်တာ ပုံစံလေးသိပ်မလှပေမဲ့ ဆိုင်ကအတိုင်း စားလို့တော့တော်တော်ကောင်းပါတယ်။

ပိန်းဥ ၃လုံးကို အခွံနွှာအတုံးလေးများတုံး နူးနေအောင်ပြုတ်ပါ။ နူးလာလျှင် ဇွန်းနှင့်ခြေကာ သကြားစားပွဲတင်ဇွန်း ၁ဇွန်း ဆား စားပွဲတင်ဇွန်း ၄ပုံ၁ပုံထည့် နယ်ပါ။ အလုံးလေးများလုပ်ကာ tempura flour ကပ်ပါ။ ပေါင်မုန့်ခြောက် နှမ်း ကပ်ပြီး မီးအသင့်အတင့်တွင် ထည့်ကြော်ပါ။ ချိုစိမ့်စိမ့် ပိန်းဥကြော်လေးရပါပြီနော်။

စိတ်၏ချမ်းသာခြင်း ကိုယ်၏ကျန်းမာခြင်းများနှင့် ပြည့်စုံကြပါစေရှင်။